De ärschte "Hibbi" vun Reichelze

- de Gagg -

 

 

De Gagg, sou hoat er bei uns ghaasse,

iss trotz demm Wertschaftswunner üm en rümm

ausgstieeche un hoat glääbt wi en Hibbi,

dess iss no voor de Ami gwäse.

 

De Gagg hoat koa Aerwet g´hoadd

un si nit blooche un oahetze brauche,

doo wärd mer wärgli nit müd.

 

In sejnre Babbedeggl-Baragge

uff dr Wiese hinner "unnerm" Haus

isser glejche un hoat aldi Zeidunge gläse,

di wu r zentnerweis gsammeld hoat,

iich moan, där is nit blöd gwäse.

 

Mer Kinn häwwe immer

sou loang "Gagg" gschriee,

bisser nauskumme is un g´schennt hoat,

oawwer iich glaab,

r hoat uns eichendli räächt gäre g´hoat.

 

Gässe hoat r merschtens aldi Öpfel

dodevoo wärd mer gwies nid dick

 

Blos dr Göiicher hoat si öftersch geärchert,

wal erm dä Zoload vum Miisthaufe weggstoule hoat,

 

gnausou wi dr Emma ehrn Hund,

demm hoat r emoal, dess iss nit glouche,

ä oaldes Schnitzel aus dr Schnauze grisse

un hoat si uffgreecht,

dass di sou däs Soach verschwende dät,

däs Schnitzel wär do no guud gwäse.

 

Emol häwwe sie´m Gagg ejgreedt,

r söll do als Boarchemoaster kandidieere,

nochd iss`r mid em oalde dunkle Oozuuch

un eme Zilinner di Hauptstrooß nuff un raa glaafe

un hoat alli Leut stoulz grüßt.

 

Oawwer mr säjcht,

s´is nit guud nausgange mit demm Käärle

unner iss üwwerfoahre worde,

schaad,

wus do sou weenich Originale gait.

 

 

Reinhard Horber

 

P.S .: Der Hund hieß, wie mir mein alter Nachbar, Heinz Klotzbücher,

der einen Stock tiefer wohnte, neulich bestätigt hat, "Bobby"

und es war ein absolut scharfer Kettenhund, vor dem ich als Kind

immer eine Heidenangst hatte. (c) 2002 by Reho

 

zurück